Sydney Sweeney largohet nga dasma e Bezos pas një nate të çmendur me Tom Brady dhe Orlando Bloom

Ylli i serialit Euphoria, Sydney Sweeney, ka qenë një nga emrat më të përfolur këtë fundjavë në botën e showbizit. Aktorja e njohur u pa fillimisht duke festuar në një festë luksoze në Miami, ku ishin të pranishëm edhe figura të mëdha si ish-ylli i NFL-së Tom Brady dhe aktori i famshëm Orlando Bloom.

Sipas burimeve të afërta me organizatorët, festa ishte pjesë e një serë ngjarjesh madhështore që paraprinin dasmën e miliarderit Jeff Bezos dhe Lauren Sánchez. Por ajo që habiti të gjithë ishte largimi i papritur i Sydney-t nga vetë ceremonia e dasmës.

Ndonëse emri i saj ishte në listën e të ftuarve VIP për dasmën, burimet thonë se pas një nate intensive festimesh me yjet e Hollywoodit, Sweeney vendosi të tërhiqet nga pjesëmarrja në dasmën kryesore.

“Duket se festa e një nate më parë ishte më e zjarrtë sesa pritej,” komentoi një burim për mediat rozë. “Sydney u largua nga resorti luksoz para ceremonisë, duke lënë pas një sërë spekulimesh.”

Deri tani, aktorja nuk ka komentuar publikisht për këtë vendim, ndërsa fotot e saj duke qeshur dhe shijuar momente me Brady dhe Bloom janë bërë virale në rrjet.