Pas më shumë se tre vitesh luftë, Ukraina tani është vendi më i minuar në botë

Pas më shumë se tre vitesh luftë me Rusinë, Ukraina tani është vendi më i minuar në botë.

Euronews raportoi më parë se do të duheshin deri në 30 vjet për të përfunduar heqjen e minave.

Ndërsa mediat ukrainase thonë se territoret e çliruara nga Ukraina që nga viti 2022 janë mbuluar shumë me mina, duke e bërë të vështirë dhe të rrezikshme pastrimin e tyre.

Ndryshe, presidenti ukrainas Volodymyr Zelensky ka njoftuar se ka nënshkruar dekretin për tërheqje nga Konventa e Otavës për Ndalimin e Minave Kundër Personelit.

Traktati i vitit 1997, të cilit i janë bashkuar më shumë se 160 vende, ndalon përdorimin, prodhimin, grumbullimin dhe transferimin e minave tokësore kundër personelit.

Ai synon të mbrojë civilët nga shpërthimi i këtyre minave pas përfundimit të një konflikti.