Thiago Silva: Mora këshilla nga Allegri për ta mposhtur Interin

Kapiteni i Fluminenses, Thiago Silva, ish-yll i Milanit, ka zbuluar se telefonoi Massimiliano Allegrin përpara përballjes me Interin, për të marrë “disa informacione” rreth kundërshtarëve.

Fluminense e mposhti Interin me rezultatin 2-0 në raundin e 1/16-ave të Kupës së Botës për Klube të hënën, dhe pas ndeshjes, qendërmbrojtësi brazilian foli për “SportMediaset”, duke treguar rolin që kishte Allegri.

“Jam i apasionuar pas futbollit. Këtë javë telefonova Allegrin, një mikun tim, dhe i kërkova disa informacione për Interin,” tha Thiago Silva. “Ai foli me shumë respekt për ta, njësoj si unë. Ia përcolla disa nga këto informacionet ekipit dhe mendoj se na dha disa këshilla të vlefshme.”

Silva sqaroi gjithashtu se nuk kishin folur për Milanin, por zbuloi: “I thashë se ndoshta do ta vizitoj atë, Ibrën dhe këtë ekip të shkëlqyer në janar.”

Duke analizuar ndeshjen, ai shtoi: “Jam shumë i kënaqur me paraqitjen e skuadrës. Nuk është e lehtë të luash kundër Interit në këtë mënyrë. Mendoj se bëmë një punë të mirë në mbrojtje. Me topin, nuk arritëm të zhvillonim lojën tonë të zakonshme dhe presioni i tyre ishte i vështirë për t’u përballuar, sidomos me këtë nxehtësi. Jemi shumë të lumtur për kualifikimin, por tani duhet të pushojmë sepse na pret një tjetër ndeshje pas tre ose katër ditësh.”

Ndërkohë, Interi rikthehet në Evropë me më shumë çështje për të zgjidhur, veçanërisht pas kritikave publike të kapitenit Lautaro Martinez ndaj Hakan Calhanoglu, duke i thënë se nëse nuk dëshiron më të luftojë për objektiva madhorë, duhet të largohet nga klubi.

Thiago Silva kaloi tri sezone te Milani (2009–2012), duke fituar një titull të Serie A dhe një Superkupë të Italisë. Ai shënoi katër gola në 79 paraqitje nën drejtimin e Allegrit, përpara se të transferohej te Paris Saint-Germain për 42 milionë euro në vitin 2012.