Kjo është paga vjetore milionëshe e shqiptarit të Kosovës në Rusi

Futbollisti nga Kosova, Mirlind Daku, ka një pagë të mirë vjetore në klubin rus, Rubin Kazan.

Reprezentuesi i Shqipërisë, është prej futbollistëve më të mirë të kësaj skuadre dhe pritet të bëhet njëri nga futbollistët më të paguar në Ligën Premier Ruse.

Kontrata e re do të jetë e vlefshme deri në vitin 2029 dhe përfshin një pagë vjetore prej 2.5 milionë eurosh neto, pa përfshirë bonuset, një rritje e ndjeshme nga 700 mijë eurot që ai merrte më parë.

Daku po kalon formën më të mirë si lojtar dhe ka shënuar 25 gola dhe 12 asistime në dy sezonet e fundit.