PSG-Bayern duel mes peshash të rënda

Në “Mercedes-Benz Arena” të Atlantës PSG dhe Bayern Mynih do të jenë protagonistet e një çerekfinalaje, e cila ka shumë shijen e një finaleje.

Fituesit e Champions League nën drejtimin e Luis Enrique-s janë në një moment të artë, por përballë do të kenë një ekip të motivuar dhe të pajisur me “armët” e duhura për të bërë që ky duel të mos ketë një favorite të qartë .

PSG-ja nën drejtimin e spanjollit ka treguar se përballë formacioneve nga Bundesliga ka shumë pasiguri pasi ka humbur tre prej gjashtë ndeshjeve të luajtura. Bayern-i në anën e vet ka traditën dhe statistikat në duelet direkte pasi ka mundur ekipin francez në katër duelet e fundit.

Takimi në Atlanta nis në mesditë, por impianti i “Mercedes-Benz Arena” është i pajisur me ajër të kondicionuar kështu kushtet atmosferike nuk do të jenë faktor..