Holanda starton me fitore

Fitore e pastër për Holandën në ndeshjen e parë të fazës së grupeve të Kampionatit Evropian të Femrave, Grupi D.

Rezultati përfundimtar ishte 3-0 për vajzat portokalli, të cilat ishin në avantazh në pjesën e parë falë një goli të Miedema, që arriti në kuotën e 100 golave me ekipin kombëtar.

Në fillim të pjesës së dytë, Pelova shënoi golin e dytë, ndërsa në minutën e 57-të Brugts vulosi ndeshjen për 3-0.

Ky rezultat i vendos përkohësisht holandezet në vendin e parë në grup me tri pikë, duke e lënë Uellsin në kuotën zero.