Tifozët e Liverpoolit e kritikojnë Diazin për mungesën në funeralin e portugezit

Këto ditë, Portugalia dhe bota e futbollit në përgjithësi janë në zi për vdekjen e Diogo Jotës dhe vëllait të tij.

Në Gondomar u mbajt ceremonia mortore për t’i dhënë lamtumirën të dyve, ku morën pjesë shumë shokë skuadre dhe miq, përveç familjarëve, natyrisht.

Pothuajse i gjithë ekipi i Liverpoolit ishte i pranishëm për t’i bërë homazhe portugezit, dhe themi “pothuajse” sepse mungoi një person – Luis Diaz.

Kolumbiani, që ishte mik i ngushtë i Diogos, ndodhej në Kolumbi duke përmbushur disa angazhime me sponsorë dhe influencues.

Lojtari ‘Guajiro’ është kritikuar ashpër për kontrastin mes trishtimit të shokëve të skuadrës dhe gëzimit të tij të madh – aq sa është parë duke kërcyer, ndërkohë që në Portugali po lotohej.

Reagimet kanë qenë aq të forta sa që edhe në vendin e tij të lindjes ka marrë kritika.

Duhet kujtuar se Diogo Jota ishte një nga personat kryesorë që ndihmoi ‘Luchon’ kur mbërriti te Liverpooli, sipas vetë fjalëve të Diaz.

Kur babai i kolumbianit u rrëmbye, Jota shfaqi mbështetjen e tij duke ngritur fanellën me numrin dhe emrin e Diaz-it pas një goli – një prej shumë gjesteve që tregonin miqësinë e ngushtë mes tyre.

Luis Diaz pati mirësinë ta përshëndesë Diogo Jotën për herë të fundit përmes një postimi në Instagram, përpara takimit të diskutueshëm me streamers:

“Nuk kam fjalë… Më dhemb shpirti. Jo vetëm për atë që ishte në fushë, por për personin që ishte jashtë saj. Ka gjeste që nuk harrohen kurrë, dhe Diogo kishte një të tillë me mua që do të më mbetet përjetë. Përqafimi im është me Ruten, tre fëmijët e tij dhe familjen”.