Arrestohet i dyshuari për vrasjen e babait në Itali

Francesco Rezzonico, 25 vjeç, është arrestuar nën akuzën për vrasjen e babait të tij adoptues, Boris, 57 vjeç, i cili u godit për vdekje me thikë në banesën e tij në rrugën Via Vittorio Veneto në Luino, ku ndodhi edhe vrasja.

Masa u mor gjatë natës, pasi 25-vjeçari kaloi disa orë në kazermën e Karabinierisë në Luino.

Sulmi i dhunshëm ndodhi pak para orës 20:00 ditën e djeshme, në apartamentin në katin e parë ku jeton nëna e djalit dhe ish-bashkëshortja e viktimës.

Sipas ANSA, i riu jetonte në Lugano me babain dhe vëllain e tij.

Gruaja ishte shpërngulur kohët e fundit në Luino.

Pesëdhjetë e shtatë vjeçari, bashkë me fëmijët, kishte shkuar për ta vizituar.

Mes babait dhe djalit shpërtheu një debat i dhunshëm, që përfundoi me goditjen me thikë: 25-vjeçari përdori një thikë kuzhine të konfiskuar si armë.

Pasi e plagosi për vdekje të atin, ai u largua nga banesa dhe karabinierët e ndaluan pak larg vendngjarjes.

Nëna dhe vëllai i 25-vjeçarit, të cilët ishin dëshmitarë të ngjarjes, do të merren në pyetje sot.