Nuk heq dorë nga Juventusi

Ish-futbollisti legjendar i Juventusit, Xhiorxhio Kielini është zyrtarisht një nga pronarët e klubit amerikan, Los Angeles.

Lajmin e ka bërë të ditur vetë ai me një postim në profilin zyrtar në “Instagram”.“Jam krenar të njoftoj se që nga sot jam zyrtarisht një nga pronarët e LAFC-së.

Që nga dita e parë në Los Angeles u ndjeva si në shtëpi, i mbingarkuar nga një energji unike. I nxitur nga njerëz autentikë, vlera të përbashkëta dhe ëndrra e përbashkët për të ndërtuar diçka për të cilën të jem krenar, brenda dhe jashtë fushës. LAFC i ka tejkaluar të gjitha pritjet: më dha mundësinë ta mbyll karrierën time si lojtar në mënyrën më të mirë të mundshme dhe, menjëherë pas kësaj, të rritem me rolin tim të parë menaxherial jashtë fushës.

Pikërisht për këto arsye, vitin e kaluar shpreha dëshirën për të blerë aksione në klub dhe sot më në fund mund t’ua njoftoj të gjithëve. 

Në këtë rol të ri si pronar, do ta vë në dispozicion të klubit gjithë përvojën dhe pasionin tim, duke ruajtur padyshim rolin dhe angazhimet e mia me Juventusin. Faleminderit LAFC për këtë mundësi! Jam i emocionuar që jam pjesë e këtij udhëtimi dhe jemi vetëm në fillim”, shkruan Kielini.