Moti ekstrem në Bosnje-Hercegovinë – shfaqen pamje të reja dramatike

Pamje të rënda nga stuhia e shpejtë kanë tronditur Maoçin në afërsi të Brçkos të Bosnje-Hercegovinës.

Banorët raportojnë dëme të konsiderueshme – çati të dëmtuara dhe degë të rrëzuara – ndërsa stuhia u zgjat për vetëm disa minuta, por me intensitet të jashtëzakonshëm, duke lënë pas frikë dhe rrënoja.

Gjithashtu Bihaçi u përfshi nga një stuhi e papritur, e karakterizuar nga reshje intensive dhe erëra të fuqishme.

Sipas N1 BiH, stuhia “shkatërroi gjithçka përpara vetes” – rrëzoi pemë, dëmtuan çati, goditën automjete dhe copëtuan pjesë të infrastrukturës lokale.

Një pamje e bujshme tregon sesi era i rrëmben mobiliet e kopshtit të një kafeneje, duke krijuar kaos në terren.

Meteorologët paralajmërojnë se këto stuhitë e papritura, të ndikuara nga përzierja e valës së nxehtë dhe depërtimit të ajrit të ftohtë, mund të sjellin edhe rrufe, breshër dhe përmbytje kryesisht në pjesën veriperëndimore të vendit, përfshi Bihaçin.