Messi vazhdon magjinë në MLS: Dy gola ndaj New England Revolution

Lionel Messi shënoi dy herë në pjesën e parë të fitores 2-1 të Inter Miami ndaj New England Revolution të mërkurën, duke vazhduar formën e jashtëzakonshme në Major League Soccer.

38-vjeçari argjentinas ka shënuar nga dy gola në katër ndeshjet e fundit në MLS – një rekord i ri në histori të ligës. Ai e nisi serinë në fund të majit ndaj Montrealit dhe vazhdoi kundër Columbusit, Montrealit sërish dhe tani ndaj Revolution.

Pas një pauze për Kupën e Botës për Klube – ku Messi shënoi një gol në katër ndeshje dhe Miami u eliminua nga PSG – skuadra u rikthye me një fitore 4-1 ndaj Montrealit dhe tani triumfoi në Boston.

Në total, Messi ka 14 gola në 15 ndeshje këtë sezon, vetëm dy më pak se golashënuesi kryesor Sam Surridge, i cili ka luajtur gjashtë ndeshje më shumë.

Trajneri Javier Mascherano vlerësoi lidhjen mes Messit dhe Busquets, që solli edhe golin e dytë: “E kuptojnë njëri-tjetrin në mënyrë të veçantë.”

Me këtë fitore, Inter Miami ngjitet në vendin e pestë të Konferencës Lindore me 35 pikë, shtatë më pak se lideri FC Cincinnati, por me tre ndeshje më pak të luajtura.

Programi i ngjeshur vazhdon të shtunën ndaj Nashville.