Deklarata kundër presidentit dhe ndërprerja e stërvitjes, tifogrupi shqiptar arrin objektivin

Tifogrupi që mbështet Shkëpin, “Shvercerat”, është prej disa ditësh kundër mënyrës si klubi po funksionon. Fillimisht kishte deklaratë zyrtare kundër presidentit Olgun Ajdin dhe më pas erdhi ndërprerja e stërvitjes.

Sot lajmet vijnë pozitive nga tifogrupi shqiptar. “Shvercerat” tregojnë se pas takimit me klubin, është pranuar që të kenë përfaqësues në kryesi ndër të tjera.

Njoftimi i “Shvercerave”:

“SHVERCERAT ARRIN MARVESHJE ME KRYESINË E KLUBIT! Mbas një takimi të drejtëpërdrejt e pa filtra mes nesh dhe kryesisë së FC Shkupit, kërkuam dhe morëm atë që na takon! Gabimet nuk do të përsëriten këtë herë loja është ndryshe!

Kërkuam që në strukturën e re të klubit të jenë 3 përfaqësues nga vetë Shvercerat, të zgjedhur direkt nga tifogrupi jo më vendime pas shpine, tash e tutje çdo hap me ne! Kishim edhe kërkesa tjera që u pranuan dhe krejt do t’i sqarojmë në mbledhjen që po vjen!

S’ka më terr, gjithçka do të dalë në dritë! Sot në ora 18:00 krejt te stadiumi!

Ndeshja miqësore: FC Shkupi vs Brera Pas ndeshjes, mbledhje e rëndësishme ku do flasim qartë për marrëveshjen dhe hapat e ardhshëm.

Mos mungo! Nuk ka më vend për spektatorë, ose je pjesë, ose je jashtë! Krejt bashkë, një zë, një qëndrim për FC Shkupin dhe Shvercerat! SHVERCERAT ZEMRA E QYTETIT, TRURI I KLUBIT!”