Borges lë Porton për Feyenoord

Anësori njëzet e katër vjeçar Gonçalo Borges, ka lënë përfundimisht Porton për t’u transferuar te Feyenoord, në një marrëveshje që kap vlerën e rreth dhjetë milionë euro.

Borges ka përfunduar kështu një lidhje të gjatë me Porton, që ka nisur para dhjetë vitesh kur ai ishte larguar nga akademia e Benfica për t’iu bashkuar skuadrës rivale. 

Gjatë kësaj kohe, ai ka regjistruar tetëdhjetë e tetë paraqitje me “Dragonjtë”, duke shënuar dy gola: të dy në sezonin e kaluar, një nga të cilët ishte më i miri në karrierën e tij deri tani. 

Te Feyenoordi i Robin van Persie, Borges pritet të zëvendësojë brazilianin Igor Paixao, i cili është në prag të transferimit te Marseille.