Trajneri i ri i motivuar: Dua ekip me guxim, kemi synime të mëdha

Thomas Frank ka thënë fjalët e para si trajner i Tottenham. Ai u shpreh se kërkon një ekip me guxim, pasi vetëm kështu shkohet te suksesi.

“Nëse nuk je i guximshëm, nuk mund të arrish asgjë. Dua një ekip që luan me guxim, që është agresiv dhe gjithmonë kërkon të sulmojë.

“Kur Tottenham të thërret, është shumë e vështirë ta refuzosh. Jam këtu për ta sfiduar veten dhe për të ndërtuar diçka të madhe.

Te një klub i madh si Tottenham presioni është i madh, por ky është edhe motivimi im kryesor. Jam këtu për të ndërtuar diçka për të ardhmen, jo për të mbijetuar një sezon”- tha ai.