Milani gjen pasardhësin e Theo Hernandezit

Ndërsa Max Allegri është gati të drejtojë ndeshjen e tij të parë në stolin e Milanit kundër Arsenalit (13:30 në Singapor), vetëm dhjetë minuta më vonë,

Pervis Estupinan, nënshkrimi i tretë i verës i kuqezinjve dhe trashëgimtari i Theo Hernandez në krahun e majtë, pritet në aeroportin Malpensa me një fluturim nga Londra.

Anësori nga Ekuadori, i blerë nga Brighton për 18 milionë euro, do t’i nënshtrohet vizitave të zakonshme mjekësore sot para se të nënshkruajë një kontratë pesëvjeçare me kuqezinjtë, duke fituar 2.5 milionë euro në vit.

Me zyrtarizimin e Estupinan, merkato e Milanit do të vazhdojë, për të plotësuar përforcimet e tjera të kërkuara nga Allegri. Doué mbetet objektivi kryesor për krahun e djathtë, por oferta dhe kërkesa mbeten të largëta për momentin. Jashari, gjithnjë e më larg Club Brugge, është gjithashtu një objektiv në merkato.