Egnatia, Vllaznia e Dinamo City luajnë nesër ndeshjet e para në raundin e dytë të UEFA Conference League
- Bota Sot
Egnatia, Vllaznia dhe Dinamo City do të luajnë nesër ndeshjet e para në raundin e dytë të UEFA Conference League.
Blutë e Dinamos do të përballen në transfertë me Atletic Escaldes. Ndeshja do të luhet në stadiumin “Estadi FAF”, në orën 16:00.
Kuqeblutë e Vllaznisë do të luajnë në stadiumin “Loro Boriçi” ndaj Víkingur Reykjavik në orën 20:30. Pasi kaluan me sukses turin e parë, tani shkodranët do të kërkojnë suksesin e radhës dhe në shtëpi do të kenë mbështetjen e madhe të tifozëve.
Egnatia do të luajë në transfertë ndaj Dinamo Minsk.
Ndeshja do të zhvillohet në stadiumin “Municipal Stadium Mezőkövesd”, në orën 20:45.
Federata e Futbollit u uron suksese skuadrave shqiptare në përballjet e para të raundit të dytë kualifikues të UEFA Conference League.
