PSG arrin marrëveshje për yllin që shkëlqeu në Ligën Premier sezonin e fundit

Gjigantët francezë, Paris Saint-Germain dhe klubi anglez Bournemouth kanë arritur një marrëveshje paraprake për një tarifë fikse transferimi për mbrojtësin qendror ukrainas, Illia Zabarnyi.

Sipas mediumit britanik BBC, PSG dhe Bournemouth kanë arritur marrëveshje transferimi për yllin ukrainas dhe zyrtarizimi pritet të vijë shumë shpejt.

Tarifa bazë thuhet se është vendosur në 52 milionë funte, që është afërsisht 60 milionë euro.

Të dy klubet janë ende duke negociuar aspekte të tjera të transferimit të mundshëm të qendërmbrojtësit 22-vjeçar.

Në të njëjtën kohë, Bournemouth po këmbëngul që me të gjitha bonuset e mundshme të përfshira, vlera totale e marrëveshjes duhet të arrijë në 70 milionë euro.

Zabarnyi u transferua nga Bournemouth në janar të vitit 2023 për 22.7 milionë euro.

Në sezonin e kaluar, mbrojtësi ukrainas regjistroi 1 asistim në 39 paraqitje.