Barcelona shpreh interesim për transferimin e yllit të Arsenalit

Barcelona po tregon interes serioz për sulmuesin e Arsenalit, Gabriel Jesus, këtë verë, me qëllimin që ai të jetë një zëvendësues afatgjatë për Robert Lewandowskin, sipas burimeve të CaughtOffside.

Me Lewandowskin që po i afrohet fazës së fundit të karrierës, Barcelona e sheh brazilianin e gjithanshëm si një opsion më ekonomik, i cili mund të luajë në disa pozita të sulmit.

Blaugranasit po e shikojnë tregun e sulmuesve teksa emrat si Alexander Isak, Victor Osimhen, Viktor Gyokeres, Julian Alvarez dhe Benjamin Sesko tashmë kanë kompletuar transferime të qëndrueshme.

Jesus sjell përvojë nga Liga Premier dhe fleksibilitet që përputhet me nevojat në zhvillim të Barcelonës.

Raportohet se Barcelona po përballet me konkurrencë nga Neëcastle United, Tottenham Hotspur, Milan, madje edhe nga Flamengo, për të siguruar shërbimet e tij.

Arsenali tashmë ka transferuar Viktor Gyokeres, çka mund ta kufizojë rolin e ardhshëm të Gabriel Jesus, veçanërisht pasi tani ai renditet pas Kai Havertz në hierarkinë e sulmit.

Ndërsa disa klube janë stepur për shkak të problemeve të vazhdueshme me gjurin të brazilianit, pritet që interesimi për të të rishfaqet sapo ai të jetë i gatshëm për lojë, ndoshta në afatin kalimtar të janarit.

Nëse negociatat marrin hov, Gabriel Jesus mund të jetë një zgjedhje e zgjuar dhe ekonomike për Barcelonën për të forcuar repartin ofensiv pa shpenzuar shumë.