Liverpooli po i shet tre yje për të financuar mega transferimin e Alexander Isak

Kampionët e Ligës Premier janë ende të interesuar për Alexander Isak për të forcuar repartin ofensiv, pavarësisht blerjes së javës së Hugo Ekitike.

Liverpool ka shpenzuar 270 milionë për gjashtë përforcime të reja, pa frikë nga shkelja e rregullave financiare.

Për të vazhduar me blerje të tjera, do të kërkohej shitja e disa lojtarëve, por ESPN shpjegon se sigurimi i 80-100 milionë përmes shitjes së Darwin Nunez, Harvey Elliott dhe Federico Chiesa do të krijonte buxhetin e nevojshëm për të shpenzuar deri në 150 milionë për Isak, pa rrezikuar asnjë problem me rregulloret financiare .

Një ofertë prej 150 milionësh për Isak, që do të përmbushte çmimin e kërkuar nga Newcastle, do ta çonte totalin e shpenzimeve verore të Liverpool në rreth 430 milionë, duke thyer rekordin botëror të vendosur nga Chelsea në vitin 2023 për shpenzimet më të mëdha në një dritare transferimesh, që aktualisht është 404 milionë.

Ky investim në skuadër është bërë i mundur falë rritjes së të ardhurave dhe fitimeve nga çmimet, të kombinuara me shpenzime minimale në verën e kaluar, gjë që e ka ngritur tavani financiar të klubit shumë lart sipas PSR.

Gjithashtu, ekziston pritshmëria që pas një vere ku Florian Wirtz, Jeremie Frimpong, Milos Kerkez, Giorgi Mamardashvili, Hugo Ekitike, Armin Pecsi, dhe ndoshta Isak, i janë bashkuar ekipit, nuk do të ketë nevojë për shpenzime të mëdha verën e ardhshme.

Nëse Liverpool arrin të mbledhë fondet përmes shitjeve të treshes së përmendur dhe Newcastle pranon ofertën prej 150 milionësh, është shumë e mundur që Alexander Isak të jetë lojtar i Liverpoolit para mbylljes së afatit kalimtar veror./