Felix: Më në fund do të punoj me Jorge Jesus, e di që ai më pëlqen shumë

Joao Felix: Më në fund do të punoj me Jorge Jesus, e di që ai më pëlqen shumë

 Futboll Bota |  25 minuta më parë

“Jam shumë i lumtur që jam këtu, që i bashkohem këtij klubi. Jam i emocionuar që po ribashkohem me këta lojtarë të jashtëzakonshëm dhe jam i emocionuar që do të filloj punën”.

Këto janë fjalët e para të Joao Felix, sulmuesit portugez që u transferua te Al-Nassr.

Në moshën 25 vjeç, Felix më në fund ka gjetur stabilitet dhe i ka dhënë fund serisë së huazimeve që kanë shënuar gjashtë vitet e fundit. Chelsea ka rënë dakord ta shesë atë te klubi saudit për një shumë totale prej afërsisht 50 milionë eurosh, duke përfshirë bonuse të ndryshueshme.

Duke folur për kanalet zyrtare të Al Nassr, ish-lojtari i Benfica-s iu drejtua gjithashtu trajnerit të tij të ri: “Kam folur disa herë me Jorge Jesus, e di që më pëlqen shumë”.

“Më në fund do të punoj me të. Jam i emocionuar të mësoj prej tij dhe pastaj do ta ndihmoj në çdo mënyrë që mundem”. Vlen të kujtojmë se Al-Nassr arriti të përfundojë transferimin e ish-lojtarit të Atlético dhe Chelsea pas këmbënguljes së Cristiano Ronaldos dhe vetë Jorge Jesus.