Zjarret, Portugalia në alarm/ Disa fshatra kërcënohen nga flakët, dy mijë zjarrfikës në terren

Zjarret janë përhapur në të gjithë territorin portugez, teksa vendi është përfshirë nga një tjetër valë të nxehti.

Këtë të martë më shumë se 2 mijë zjarrfikës ishin në luftë me flakët, në të paktën tre vatra që ngritën alarm, po ashtu në terren ishin edhe 672 automjete zjarrfikëse dhe 21 mjete ajrore. Spanja gjithashtu dërgoi disa avionë për të ndihmuar në kontrollin e flakëve në zonë.

Në pjesën veriore të vendit, afër kufirit me Spanjën, një zjarr që filloi të shtunën në mbrëmje ka qenë duke djegur për disa ditë, duke kërcënuar fshatrat dhe zonën e mbrojtur natyrore të Geres.

Të hënën vonë, dy zjarre të tjera filluan në rajonin qendror të vendit, duke u përhapur me shpejtësi për shkak të erërave të forta dhe temperaturave të larta.

Zjarret janë të shpeshta në Portugali, veçanërisht në zonat rurale. Në vitin 2024, të paktën 5 persona humbën jetën si pasojë e zjarreve, teksa dhjetëra të tjerë u plagosën. Portugalia ka përjetuar një valë të nxehti ditët e fundit me temperatura afër 40 gradë Celsius.