I pari i skuadrës rumune provokon: Nëse Kosova na nxjerr jashtë, atëherë dalim edhe nga futbolli!

Nëse rezultati në Shkup me Shkendijën (0:1) dukej një poshtërim për Steaua-n, ajo që ndodhi në Arenën Kombëtare ishte një makth i vërtetë për kampionin rumun, shkruan media rumune “Sport”.

“Kështu që, udhëtimi i kampionit rumun mbaroi në Champions League, por sezoni evropian do të vazhdojë në kualifikimet për fazën kryesore të Europa League. Pas poshtërimit me Shkendijën, Steaua do të përballet me Dritën, kampionen e Kosovës.

Ekipi kuqekaltër do të luajë në raundin e tretë paraprak të Europa League.

Ndeshja e parë do të zhvillohet më 7 gusht, ndërsa ndeshja e kthimit midis FCSB dhe Dritës do të zhvillohet më 14 gusht. Ndeshja vendimtare do të luhet në Kosovë”, shkruan media rumune.

Pronari i Steaua-s është i bindur se kundërshtari i radhës i ekipit të tij nuk mund të jetë më i dobët se Shkendija dhe thotë se nëse ekipi kuqekaltër humbet edhe ndaj kampiones së Kosovës, atëherë të gjithë në FCSB duhet të lënë futbollin.

"Do të shohim çfarë do të bëjmë në Evropë, pastaj do të shohim përsëri vitin tjetër. Ne luajmë futboll. Dhe këtë vit do të jem i lumtur nëse kualifikohemi për Europa League. Dhe do të jem i lumtur.

Nëse Kosova na eliminon, atëherë edhe ne do të eliminohemi nga futbolli. Kështu duhet të jetë. Nuk mendoj se ka një ekip më të dobët se këta, nuk ka më të dobët. Nuk mendoj se ka një ekip më të dobët se ky", tha me provokim Gigi Becali për Digi Sport”.