Interi vendos çmimin e lojtarit

Ndërsa vëmendja është tek Ademola Lookman, objektivi kryesor i sulmit zikaltër, Interi vazhdon të bëjë lëvizje për largimin e lojtarëve.

Transferimi i Buchanan drejt Villarreal është praktikisht i sigurt, dhe një vend së shpejti mund të bëhet i disponueshëm edhe në mbrojtje.

Zikaltërit janë të gatshëm të dëgjojnë ofertat e mundshme si për Bisseck ashtu edhe për Pavard.

Të jemi të qartë: ata nuk janë në merkato, por Interi është i gatshëm të ulet në bisedime nëse merr oferta të rëndësishme.

Drejtuesit e Interit do të preferonin të sakrifikonin Pavardin, por oferta e Crystal Palace mund ta ndryshojë situatën. Sipas La Gazzetta dello Sport, klubi londinez duket i gatshëm të ofrojë një shumë prej 32 milionë eurosh për ta sjellë Bisseck në Premier League. Kontrata e tij ka një klauzolë lirimi prej 120 milionë eurosh (që skadon në fund të korrikut).

Megjithatë, lojtari nuk duket i gatshëm të pranojë ofertat e klubit anglez, i cili do të garojë në Ligën e Konferencës vitin e ardhshëm. Qasja e Interit është praktikisht identike: qendërmbrojtësi gjerman nuk do të largohet për më pak se 40 milionë euro.