Mesazhi i Qazim Laçit për Europën

Mesfushori i Kombëtares shqiptare, Qazim Laçi u transferua në Turqi për të nisur një aventurë të re duke lënë pas Spartën e Pragës.

29-vjeçari theksoi se skuadra dhe ekipi patën një periudhë përgatitore produktive.

“Ne u stërvitëm në një mjedis shumë të mirë.

Duam të shfrytëzojmë sa më shumë kohën para ndeshjeve dhe të arrijmë së bashku qëllimet tona europiane. 

Do të bëj më të mirën për ekipin. Nuk do t’i zhgënjej ata që kanë besuar tek unë”, deklaroi ai.

Laçi, një nga lojtarët me përvojë të shtuar në skuadrën e Çaykur Rizespor para sezonit të ri, ka besimin e stafit teknik për shkak të fuqisë së tij luftarake dhe inteligjencës së tij në mesfushë.