Reali zyrtarizon miqësoren në Austri

Dihej paraprakisht se përgatitjet e verës për Realin e Madridit këtë vit do të ishin krejtësisht të ndryshme nga të tjerat.

Megjithatë, të bardhët i habitën të gjithë kur njoftuan të premten në mëngjes se do të luajnë një ndeshje miqësore në Austri më 12 gusht.

Konkretisht, ndeshja do të luhet në stadiumin “Tivoli” të Insbrukut kundër ekipit të Bundesligës austriake Tirol, duke filluar nga ora 19:00. Ende nuk dihet nëse do të transmetohet në “RMTV” apo në një kanal sportiv.

Prandaj, do të jetë një kohë e mirë për të analizuar hapat e parë të Real Madridit para fillimit të La Ligës, e cila është planifikuar për 19 gusht kundër Osasunës në “Bernabeu”.