Kaos në aeroportin më të madh të Britanisë, bllokohen qindra udhëtarë

Më 5 gusht 2025, në aeroportin ndërkombëtar Heathrow në Londër, u krijua një situatë kaotike pasi tuneli kryesor që lidh hyrjen me Terminalet 2 dhe 3 u mbyll për shkak të një defekti teknik.

Për pasojë, trafiku në rrugët që të çojnë drejt aeroportit u rëndua.

Kjo, duke krijuar kolona të gjata në autostradat përreth dhe duke bllokuar qindra pasagjerë që po përpiqeshin të arrinin në kohë për fluturimet e tyre.

Autoritetet e aeroportit paralajmëruan udhëtarët përmes rrjeteve sociale që të shmangnin përdorimin e makinave për të arritur në këto terminale.