Alegri dhe Juventusi mund të ndërhyjnë

Njukasëll po bën lëvizje konkrete për Malik Çau.

Sipas TMW, dje klubi anglez i paraqiti zyrtarisht një ofertë prej 30 milionë eurosh Milanit për mbrojtësin gjerman.

Ky është vlerësimi i kuqezinjve për futbollistin, por disa gjëra kanë ndryshuar.

Marrëveshja e mundshme e shkëmbimit me Juventusin- Në orët e fundit, “Djalli” ka filluar diskutimet me bardhezinjtë rreth një marrëveshjeje të mundshme që përfshin Çau dhe Dushan Vlahoviç.

Juventusi po shtyn fort, por kuqezinjtë janë të interesuar për sulmuesin serb. Nuk është një marrëveshje e thjeshtë, duke marrë parasysh se vlerësimet financiare të dy klubeve mund të mos përputhen, por është e mundur.

Alegri e vlerëson shumë gjermanin dhe gjatë parasezonit ia bëri të qartë palës së interesuar se donte të përqendrohej tek ai. Oferta e Njukasëll padyshim që do të ndikojë në vlerësime, por ato mund të jenë negative, veçanërisht duke pasur parasysh se trajneri nuk ka nxitim ta lërë mbrojtësin të shkojë dhe do të preferonte një mbrojtës tjetër në vendin e tij për arsye numerike (sidomos duke pasur parasysh që Tomori shpesh mund të vendoset si mbrojtës i djathtë).