Nuk do të jetë më Cagliari destinacioni i ardhshëm
- Bota Sot
Nuk do të jetë më Cagliari destinacioni i ardhshëm për Sebastiano Esposito.
Sulmuesi i talentuar i Interit është shumë pranë kalimit te Parma, dhe marrëveshja mund të mbyllet zyrtarisht brenda ditës së sotme.
Sipas raportimeve nga Italia, klubi zikaltër do të përfitojë 4 milionë euro nga shitja dhe do të ruajë 50% të të drejtave mbi një shitje të ardhshme të lojtarit, duke garantuar një përfitim potencial në rast rritjeje të vlerës së tij.
Ndërkohë, një tjetër lëvizje po përgatitet në daljet nga Interi: bëhet fjalë për mbrojtësin argjentinas Tomas Palacios, i cili pritet të transferohet me huazim me të drejtë blerjeje për rreth 6 milionë euro.
Interi do të përfshijë gjithashtu një klauzolë për blerje të kundërt, duke mbajtur nën kontroll të ardhmen e lojtarit. Lëvizje që konfirmojnë politikën e Interit për të gjeneruar të ardhura dhe për të monitoruar nga afër zhvillimin e talenteve të vet.
