Kabashi firmos me Vjosën

Vjosa e Shtimes po bën përpjekje që të kompletohet dhe të jetë sa më kompakte për edicionin e ri të Ligës së Parë të Kosovës.
Vjosa sjell në radhët e veta Rigon Kabashin.

“Klubi futbollistik Vjosa ka kënaqësinë të njoftojë transferimin më të ri në skuadër, Rigon Kabashi i bashkohet zyrtarisht klubit tonë!

Rigoni, një futbollist i gjithanshëm që luan si mbrojtës dhe sulmues krahu, vjen nga KF Flamurtari.

Ky përforcim i ri është një shtyllë e rëndësishme në realizimin e objektivave tona për sezonin e ardhshëm.

Me angazhimin dhe shpirtin e tij luftarak, Rigoni pritet të jetë një armë e fortë në krahët e skuadrës sonë, duke sjellë dinamizëm dhe siguri në çdo duel.

Të përkushtuar për fillim të mbarë të një tjetër kapitulli historik për vendin tonë”, njofton KF Vjosa.