Chelsea ka arritur mbi 230 milionë euro nga shitjet e lojtarëve këtë verë

Chelsea ka qenë shumë aktiv në tregun e transferimeve këtë verë, duke sjellë disa lojtarë të rinj për të forcuar radhët e kampionëve të botës për klube.

Në të njëjtën kohë, klubi londinez ka pasur gjithashtu një ndikim të rëndësishëm me shitjet e lojtarëve, duke gjeneruar mbi 200 milionë funte (230 milionë euro) nga transferimet në klube të tjera.

Biznesi i verës i Chelseat pasqyron një strategji të qartë për të rifreskuar skuadrën, duke balancuar financat përmes një plani të konsiderueshëm.

Shitja më e shtrenjtë ishte transferimi i Noni Madueke te Arsenali për 48.5 milionë funte (56 milionë euro), i pasuar nga Kiernan Dewsbury-Hall te Evertoni për 32 milionë euro.

Pas tyre vijnë Joao Felix (Al-Nassr) për 30 milionë euro, Djordje Petrovic (Bournemouth) dhe Lesley Ugochukwu (Burnley) për 29 milionë euro dhe Armando Broja (Burnley) për 23 milionë euro.

Lojtarët tjerë që u shiten për shifra më të ulëta ishin Mathis Amougou (Strasburg) për 13 milionë euro, Bashir Humphreys (Burnley) për 12.5 milionë euro, Kepa Arrizabalaga (Arsenal) për 6 milionë euro dhe Marcus Bettinelli (Manchester City) për 2.3 milionë euro.

Në anën tjetër, Chelsea ka nënshkruar këtë verë me emra si Joao Pedro, Jamie Gittens, Jorrel Hato, Liam Delap dhe Estevao William, duke paguar mbi 200 milionë euro për këto transferime.