Kroati i famshëm që e nisi me trofe në Shqipëri dhe u largua çuditshëm, pas disa viteve bëri bujë në botë

Dinamo City e Tiranës ka luajtur kundër Hajdukut mbrëmë në ndeshjen e parë të rrethit të tretë kualifikues të Conference League. 

Hajduku fitoi me rezultat 2:1 në “Polud”, dhe ndeshja e kthimit luhet pas një jave në Tiranë. 

“Për shkak të duelit të Hajdukut me klubin shqiptar, kjo Dinamo është përsëri në fokus te publikut kroat në futboll.

Për tifozët vendas të futbollit, por edhe evropianë në përgjithësi, është shumë më i njohur me emrin Dinamo e Tiranës.

Kështu është quajtur që nga themelimi i saj në vitin 1950.

Për dekada në Shqipërinë e ngurtë komuniste, ishte klubi i Ministrisë së Brendshme, kështu që pronarët e rinj vendosën të riemërtojnë dy vjet më parë”, shkruan media kroate “Index”.

“Ndërsa ishte ende Dinamo e Tiranës, trajneri i saj ishte ish-lojtari i Hajdukut Zlatko Daliç.

Ai u bë i tillë në verën e vitit 2008. Pasi përfundoi i katërti në HNL me Rijekën, Daliç, atëkohë 41-vjeçar, u eliminua në fillim të Kupës Intertoto nga skuadra Renova (skuadër shqiptare). Rijeka e shkarkoi atë për shkak të debaklit, por Daliç shpejt zgjodhi midis dy rrugëve.

Çiro Blazheviq e ftoi Daliçin, për të qenë asistent i tij në ekipin kombëtar të Bosnjës dhe Hercegovinës, dhe ai gjithashtu mori ofertë nga Shqipëria. Daliç me sa duket i la një përshtypje të fortë Dinamo e Tiranës, pasi ata i zbuluan atij se po e ftonin sepse u pëlqente mënyra se si ai e kishte udhëhequr ekipin dikur, si trajner i Varteksit, kishte eliminuar Dinamon shqiptare në Kupën Intertoto tre vjet më parë.
Dinamo ishte kampioni aktual i Shqipërisë, por dobët e kishte filluar sezonin e ri.

Kjo është arsyeja pse trajneri argjentinas Marcelo Javier Zuleta u shkarkua, dhe Daliç u takua me ekipin e tij të parë të huaj për herë të parë kur i pa ata të humbnin ndaj Maksima nga Modriça, kampioni i Bosnjës dhe Hercegovinës, në raundin e parë paraprak të Ligës së Kampionëve.

Daliç solli një koloni kroate në Tiranë

Daliç solli me vete në Tiranë një numër lojtarësh. Nga Rijeka, ai e mori portierin Dario Bodrshiq dhe sulmuesin Nedim Haliloviq, ndërsa joshi sulmuesin Frana Petriçeviq nga Celje, dhe mesfushorin ofensiv Pëllum Jusufi, një shqiptar të Maqedonisë me shtetësi kroate, nga Domzhale.

Trajneri i tij i fitnesit ishte Frano Leko, dhe stafi i tij përfshinte një tjetër shqiptar kroat. Nderim Rexhaj, i cili do të bëhet fizioterapisti legjendar i ekipit kombëtar kroat. Ishin Petriçeviq dhe Pëllumbi me gola që i sollën Daliçit trofeun e parë të trajnerit në karrierën e tij, Superkupën e Shqipërisë me një fitore 2:0 ndaj Vllaznisë. Ndeshja u luajt para vetëm 500 spektatorëve në mes të verës në Tiranë, por Daliç do ta kujtojë përgjithmonë.

Në Tiranë, ai fitoi trofeun e parë të karrierës së tij, por gjithashtu dha dorëheqjen për shkak të rezultateve shumë të dobëta në kampionat. Daliç gjithashtu ia doli të kalonte dy raunde të kupës, por rezultatet e tij të dobëta në kampionat e penalizuan. Pasi humbi dy derbi radhazi, ndaj rivalëve të qytetit Tirana dhe Partizani, ai dha dorëheqjen në fillim të shkurtit 2009 sepse, siç raportuan mediat shqiptare, ishte një "akt moral" pas dështimeve të lartpërmendura.

Daliç udhëhoqi Dinamon e Tiranës në 19 ndeshje kampionati dhe arriti 7 fitore, 8 barazime dhe 4 humbje. Atë sezon, kampioni aktual përfundoi në vendin e tretë, 16 pikë pas kampionit Tirana. Pas më pak se gjysmë viti në Dinamon e Tiranës, Daliç u kthye në Kroaci, ku ishte asistent i Drazhen Ladiçit, trajnerit të ekipit kombëtar kroat U-21, dhe shpejt mori drejtimin e Slaven Belupo, klubit të tij të tretë në HN”, - shkruan mes të tjera media kroate. 

Daliçi pas shumë baticave dhe zbaticave bëri mrekulli me kombëtaren kroate, duke fituar medaljen e argjendtë dhe të bronztë në Kampionatin Botëror.