3 fshatra evakuohen për shkak të zjarreve në Turqi

Të paktën tri fshatra dhe një spital në veriperëndim të Turqisë janë evakuuar sot si masë paraprake për shkak të zjarreve në zonat përreth, sipas autoriteteve lokale.

Një video dramatike tregoi se një kamion zjarrfikës u bllokua midis flakëve ndërsa po përgjigjej ndaj zjarreve.

Zyra e Guvernatorit të provincës Çanakkale tha në një deklaratë se një zjarr shpërtheu në zonën bujqësore në fshatin Saricaeli dhe u përhap në zonën pyjore, duke shtuar se ekipet ajrore dhe tokësore të zjarrfikësve u dërguan për të shuar zjarret.

Në një deklaratë tjetër, guvernatori njoftoi se Spitali Shtetëror Mehmet Akif Ersoy është evakuuar pjesërisht për të parandaluar prekjen e pacientëve nga tymi.

Anijet u ndaluan përkohësisht të kalonin në veri përmes Ngushticës Çanakkale për shkak të zjarrit, njoftoi Drejtoria e Përgjithshme e Sigurisë Bregdetare e vendit, raporton Anadollu.