Blerja me e shtrenjtë në histori e Manchester Cityt transferohet tek Evertoni

Sipas raportimeve të gazetarit të njohur Fabrizio Romano, Jack Grealish do t’i bashkohet Evertonit në formë huazimi nga Manchester City, pasi dy klubet kanë arritur një marrëveshje përfundimtare.

Mesfushori anglez ka dhënë miratimin e tij për projektin sportiv të Evertonit dhe pritet të kryejë sot kontrollet mjekësore.

Transferimi i tij do të finalizohet brenda 24 orëve të ardhshme, duke i dhënë një shtysë të rëndësishme skuadrës së trajnerit David Moyes në prag të sezonit të ri.

Me përvojën dhe cilësitë e tij teknike, Grealish shihet si një përforcim kyç për Evertonin, që synon të përmirësojë paraqitjet në Premier League dhe të rikthehet në garën për pozitat e larta të tabelës.

Ky huazim përbën një hap të rëndësishëm për lojtarin, i cili kërkon të ketë më shumë minuta loje dhe të rikthejë formën më të mirë në një ambient të ri.