E përdhosi flamurin e Kosovës, flet Sujbi: Qysh i vogël ëndërr e kam pasur bashkimin kombëtar

Para disa ditësh një person nga Shqipëria e përdhosi flamurin e Kosovës, duke shkelur flamurin e Kosovës midis sheshit në Prishtinë.

Gjatë atij akti, ai u përball me Ramadan Nishorin, i cili ia mori flamurin duke mos e lënë ta shkelte tutje.

Sot, Eran Sujbi, tregoi versonin e tij lidhur me ngjarjen e cila ngjalli reagime të shumta.

Sujbi deklaroi në Kosova Today se i do shumë shqiptarët e Kosovës.

“Unë qysh i vogël kam pasur ëndrra për bashkimin kombëtar edhe bëj çmos që të bëhet bashkimi kombëtar edhe t’i shoh shqiptarët e Kosovës me pasaportë shqiptare siç e kam edhe unë pasaportën shqiptare”, tha ai.