Agim Aliu: Faton Sojeva, një nga emrat e plejadës së artë të futbollit ferizajas

Kryetari i komunës së Ferizajt, Agim Aliu, sot e ka pritur ish futbollistin e mirënjohur Faton Sojevën.

Gjatë takimit biseduan për shumë gjëra mbi të gjitha për futbollin.

Sojeva ka qenë prej futbollistëve më të mirë në vitet e 80-ta në petkun e skuadrës së Borci të Ferizajt siç quhej atëkohë.

 “Mëngjesi nisi sot me një nga emrat e plejadës së artë të futbollit ferizajas, me të veçantin e të papërsëritshmin futbollist ferizajas, Faton Sojeva, me të cilin është gjithmonë kënaqësi bashkëbiseda”, ka shkruar Aliu.