Zjarri i shkakton probleme Spanjës, gjendje e rëndë në Madrid

Nxehtësia ekstreme dhe erërat e forta në Spanjë shkaktuan zjarr të hënën në mbrëmje, ndërsa një zjarr i nxitur nga erërat e forta gjatë valës së fundit të të nxehtit në Evropë, dogji disa shtëpi dhe detyroi mijëra të largoheshin.

Të paktën 180 persona u evakuuan gjatë natës nga Tres Cantos, një periferi e pasur në verilindje të Madridit, pasi zjarret shkatërruan shtëpi dhe toka bujqësore.

Një burrë që ishte dërguar me helikopter në spitalin e La Paz pasi pësoi djegie në 98 përqind të trupit të tij, vdiq më vonë, tha komuniteti i Madridit këtë mëngjes.

Në një periudhë të shkurtër kohore, zjarri përfshiu 1,000 hektarë tokë, duke shembur një qendër kalorësie dhe mbytur 27 kuaj.

Kings College, një shkollë private prestigjioze britanike, kuptohet gjithashtu se ka pësuar disa dëme, dhe një strehë gomarësh u dogj.

Për shkak të shpejtësisë së erërave, flakët u përhapën shpejt dhe arritën në laboratorët farmaceutikë Norman, ku thuhet se u dëgjuan zhurma shpërthimesh.

“Në vetëm 40 minuta, zjarri përparoi gjashtë kilometra”, u tha gazetarëve Carlos Novillo, shefi rajonal i mjedisit të Madridit.

Zjarri u përhap më pas në periferitë e pasura ngjitur të Fuente del Fresno dhe Soto de Viñuelas, ku banorët mbetën në alarm evakuimi gjatë natës.

Pamjet e shpërndara në mediat sociale treguan se si flakët përhapeshin nëpër zonat pyjore, ndërsa tymi i dendur ngrihej në qiell.

Video të tjera treguan se si erërat e forta shtynin flakët nëpër fusha, ndërsa shërbimet e zjarrfikësve nxituan për të kontrolluar zjarrin.

Zjarrfikësit arritën të kontrollonin zjarrin pranë kryeqytetit spanjoll deri të martën në mëngjes falë kushteve të favorshme gjatë natës, thanë autoritetet rajonale.

Diku tjetër në Spanjë, zjarret e shkaktuara nga temperaturat e larta në veri të vendit shkaktuan evakuimin e qindra njerëzve pranë një parku kombëtar të listuar nga UNESCO.

Rreth 800 njerëzve iu tha të braktisnin shtëpitë e tyre në gjysmë duzine fshatrash në veri të rajonit të Castile dhe Leon, ku po shpërthenin disa zjarre.

Banorët e qytetit të Congosta po spërkatnin shtëpitë, pemët dhe trotuaret me tubat e tyre të kopshtit për të shmangur flakët që përpinë të paktën dy ndërtesa, ndërsa policia u tha atyre të përgatiteshin për evakuim.

Tymi ishte shumë i dendur për t’u vendosur nga avionët e zjarrfikësve. “Tashmë ka disa shtëpi që janë djegur, nuk dimë më çfarë të bëjmë. Jemi plotësisht të pambrojtur dhe të braktisur”, tha banorja e Kongos, Evangelina Peral Delgado, 70 vjeç.