Kapitenit të skuadrës italiane i grabitet makina

Mbrojtësi dhe kapiteni i Specias, Petko Hristov, pati një përvojë të keqe më 15 gusht , duke raportuar në rrjetet sociale se makina e tij ishte vjedhur nga persona të panjohur.

Dje në mëngjes, bullgari doli në rrugë pranë Piazza Chiodo (në qendër të qytetit Ligurian) dhe e gjeti makinën e tij të hapur dhe plotësisht të boshatisur. Një valixhe plot me rrobat e djalit të tij, si dhe syze dhe sende të tjera, mungonin.

“Mirëmëngjes të gjithëve! Kështu fillon dita në qendër të La Specias.

Ata hynë me forcë, vodhën gjithçka dhe u larguan. Do të doja t’ju kërkoja një nder… kushdo që ka parë diçka dje ose sonte, ju lutem të më kontaktojë privatisht. 

Do të jem shumë i lumtur ta shoh personin që e bëri këtë duke shëtitur me një palë syze të mia dhe një valixhe plot me rroba foshnje. (Shpresoj të paktën që rrobat tju rrinë mirë edhe pse janë të përdorura.) Faleminderit shumë”, shkroi Hristov, duke postuar një foto të makinës së vjedhur.