Eze ka qenë objekt interesi gjatë verës nga rivalët e Londrës

Një lojtar i Arsenalit mund të përdoret si pjesë e një shkëmbimi për të finalizuar marrëveshjen për Eberechi Ezen e Crystal Palace.

Eze ka qenë objekt interesi gjatë verës nga rivalët e Londrës së Veriut, Arsenal dhe Spurs.

Sipas raporteve të The Standard, klauzola e lirimit prej 68 milionë eurosh e lojtarit të Crystal Palace skadoi të premten, vetëm dy ditë para ndeshjes hapëse të tyre në Ligën Premier ndaj Chelseat në “Stamford Bridge” të dielën.

“Topçinjtë” vazhdojnë të jenë në garë për nënshkrimin e mesfushorit kreativ, i cili ka kontratë me Palace deri në verën e 2028-ës, dhe madje mund të jenë të gatshëm të përdorin një nga lojtarët e tyre si pjesë e një marrëveshjeje shkëmbimi, që përfshin edhe një shumë parash.

Sipas raportimeve të Caught Offside, mbrojtësi i Arsenalit, Jakub Kiëior, është në shënjestrën e disa klubeve angleze, përfshirë Everton, Wolves dhe Crystal Palace, si dhe të gjigantëve italianë, Milan.

Crystal Palace mund të kërkojë të forcojë mbrojtjen e tyre, pasi kapiteni Marc Guehi vazhdon të lidhet me një transferim te Liverpooli.

Është e mundur që Kiwior të përdoret si pjesë e një marrëveshjeje lojtar plus para, për të mundësuar një lëvizje të mundshme që përfshin Ezen nga ana e Arsenalit.

Megjithatë, raporti thekson se Arsenal është i gatshëm t’i ofrojë mbrojtësit polak një kontratë të re për ta mbajtur në klub, pasi trajneri Mikel Arteta e sheh atë si një lojtar të shumëanshëm me cilësi të rëndësishme.