Otrant – Olimpik deklason rivalin me 7:0! Media malazeze befasohet

Ka filluar edicioni i ri i  Ligës së Dytë të Malit të Zi në futboll.

Skuadra shqiptare Otrant – Olimpik nga Ulqini e ka deklasuar me rezultat 7:0 skuadrën malazeze Internacionalin.

“Nëse Ulqini është kaq i fortë, apo Internacional është i dobët - ndeshjet në vijim do ta tregojnë.

Megjithatë, ekipi vendas mbushi rrjetën e rivalëve me golat e Halil Muharemoviq, Ermin Seratliq dhe Deiransupense Nobiraki në pjesën e parë, dhe Aleksandar Vujaçiq, Valentin Rudoviq, Anxhelo Rudoviq dhe Llazar Lambuliq në pjesën e dytë”, shkruan media malazeze “Vijesti”.