Kriza demografike kërcënon sistemin arsimor grek

Një krizë demografike po kërcënon sistemin arsimor grek, raportojnë mediat lokale.

Kriza, e bërë e qartë në numrin ndjeshëm më të ulët të lindjeve në të gjithë vendin, nga mbi 118.000 në vitin 2008 në 62.500 vitin e kaluar, po përkeqësohet nga emigrimi i grekëve të rinj dhe një rënie në numrin e migrantëve që dëshirojnë të vendosen në Greqi, raporton sot Kathimerini, përcjell KosovaPress.

Kriza tashmë ka detyruar mijëra klasa dhe shkolla të mbyllen në të gjithë vendin, ndërsa regjistrimi në shkollat fillore dhe të mesme po tkurret.

Christos Bouras, rektori i Universitetit të Patras në Greqinë Perëndimore, paralajmëroi për një "kolaps të afërt të hartës akademike për shkak të problemit demografik".

Regjistrimi i studentëve të vitit të parë në universitete ra nga gati 115.000 në vitin 2010 në rreth 71.000 këtë vit. Humbja kumulative e studentëve të rinj ka arritur në 330.000”, tha ai.