Milan gjen sulmues në Bundesligë

Milan duket se e ka gjetur më në fund sulmuesin që po e kërkon prej kohësh për sezonin e ri. Pavarësisht se janë përfolur disa emra deri tani, kuqezinjtë janë shumë afër transferimit të Victor Boniface.

Gianluca Di Marzio raporton se Milan ka arritur marrëveshjen me lojtarin dhe tani duhet gjetur gjuha e përbashkët me Leverkusen.

Madje, sipas raportimit në fjalë Milan i ka dërguar ofertën e parë zyrtare klubi gjerman, Leverkusen po emrr kohën e duhur për ta vlerësuar atë.

Boniface shënoi vetëm 11 gola në sezonin e kaluar, por kaloi shumë kohë i dëmtuar. Vlera e nigerianit në Transfermarkt.com është 40 milionë euro. Ndërkohë që propozimi i Milanit thuhet të jetë mes 25-30 milionë euro.

Prej ditësh, Milan ka qenë në kontakte me Manchester United për transferimin e Rasmus Hojlund, por danezi duket ka vendosur përfundimisht të qëndrojë në Premier League. Në këtë situatë, drejtuesit e Milanit kanë aktivizuar planin B: Victor Boniface.