Barcelona e bindur se do t’i regjistrojë të gjithë lojtarët e saj në La Liga para 30 gushtit

Klubi katalunas, Barcelona beson se do ta ketë ekipin e kompletuar nga fillimi i shtatorit, me të gjithë lojtarët që do të kenë të drejt loje.

Sipas gazetës Mundo Deportivo, Barcelona mbetet e bindur se do t’i regjistrojë të gjithë lojtarët e saj në La Liga para afatit të 30 gushtit.

Zyrtarët e klubit besojnë se procesi do të përfundojë pa pengesa të mëdha, pavarësisht se disa emra ende presin miratimin.

Largimi i pritur i Oriol Romeu shihet si një hap vendimtar në krijimin e hapësirës së nevojshme brenda skuadrës.

Pasi të finalizohet, kjo do të lejojë që Gerard Martin të regjistrohet, me mbrojtësin që pritet të luajë kundër Levantes.

Inaki Pena dhe Hector Fort janë gjithashtu midis atyre që presin miratimin, por klubi parashikon që regjistrimet e tyre do të zgjidhen në kohë para largimit të tyre të mundshëm.