PSG, tjetër fitore minimale

Paris Saint-Germain vazhdon serinë pozitive në Ligue 1, duke marrë fitoren e dytë radhazi me të njëjtin rezultat minimal 1:0, këtë herë përballë Angers. Edhe pse pa shkëlqim dhe me shumë vështirësi në ndërtimin e lojës, ekipi i Luis Enrique arriti të siguronte tri pikë të arta.

Ndeshja nisi me dominim territorial të PSG-së, që pati shansin ideal për të kaluar në avantazh në minutën e 27-të, por Ousmane Dembélé shpërdoroi një penallti, duke dërguar topin mbi traversë. Ky episod shtoi presionin mbi kampionët në fuqi, që nuk gjetën dot rrjetën në pjesën e parë, e cila u mbyll 0-0.

Goli i vetëm i takimit erdhi në minutën e 50-të, kur Fabian Ruiz përfitoi nga një top i kthyer brenda zonës dhe goditi saktë në të djathtën e portës, duke mposhtur portierin mik.

Pas golit, Luis Enrique bëri disa ndryshime për të freskuar skuadrën, duke aktivizuar Gonçalo Ramos, Kang-In Lee dhe Zaire-Emery, por rezultati nuk ndryshoi deri në fund.

PSG e administroi me kujdes avantazhin dhe në fund festoi një tjetër fitore minimale, e cila megjithatë ka të njëjtën vlerë si çdo sukses tjetër: tri pikë të rëndësishme në garën për titull.