Keith Kellogg sot viziton Ukrainë

I dërguari special presidencial i SHBA-së për Ukrainën, Keith Kellogg, do të vizitojë Kievin gjatë fundjavës për të marrë pjesë në festimet e Ditës së Pavarësisë.

Ai pritet të marrë pjesë në lutjet e mëngjesit dhe ceremoninë e Ditës së Pavarësisë. Ai gjithashtu do të diskutojë me udhëheqësit mbi stuhinë diplomatike të kësaj jave.

Vizita e tij po bëhet derisa SHBA-të, Ukraina dhe Evropa bien dakord për garancitë e sigurisë.

Siç raportohet nga Ukrinform, Keith Kellogg nuk u përfshi në delegacionin amerikan gjatë negociatave në Alaska me kërkesë të rusëve, të cilët e konsiderojnë Kellogg një simpatizant të Ukrainës.

Ndërkohë është njoftuar se kufizime të përkohshme të trafikut do të hyjnë në fuqi sot në qendër të Kievit për shkak të masave të sigurisë që përfshijnë delegacionet e huaja, transmeton KosovaPress.

23 gushti është Dita e Flamurit Kombëtar në Ukrainë.