Tifozët e Atalantës i dërgojnë ulti

Tifozët e Atalantës kanë dërguar një mesazh të qartë për Ademola Lukman:

“Magjia duhet nderuar, një tjetër gabim nuk do të justifikohet”.Pankarta u vendos jashtë qendrës stërvitore të Zingonias, duke treguar shqetësimin e tifozëve pas tentativave të lojtarit për t’u larguar. Lukman ka qenë në qendër të thashethemeve të merkatos gjatë gjithë verës.

Tentativa e tij për t’u transferuar te Interi nuk arriti sukses, pasi Atalanta nuk donte të humbiste një tjetër yll, pas shitjes së Retegui në Arabinë Saudite.

Oferta e Interit prej 42 milionë euro plus 3 milionë euro bonus u refuzua, duke krijuar një distancë mes lojtarit dhe klubit.

Tani, Lukman stërvitet i vetëm në Bergamo deri në fund të merkatos. Megjithatë, mundësia e një largimi të tij nuk është përjashtuar, pasi një ofertë nga ndonjë klub tjetër mund të shfaqet deri në mbyllje.