Alarm te Milani

Massimiliano Allegri raportohet se është parë sot në ambientet e “Casa Milan”, ku për afro një ore po zhvillon një takim me drejtuesit e klubit për të përcaktuar strategjinë e fundit të afatit kalimtar të kësaj verë.

Humbja e djeshme ndaj Cremoneses në debutimin e Serie A ka ndezur alarmin te kuqezinjtë, duke detyruar klubin të kërkojë një zgjidhje të menjëhershme.

Në qendër të diskutimeve mbetet transferimi i një qendërsulmuesi.

Sipas “Sky Sport”, takimi ende është në zhvillim e sipër dhe pritet që në orët e ardhshme të qartësohet se çfarë do të vendoset.

Objektivi i Milanit është të gjejë një emër të gatshëm për të rritur nivelin e skuadrës dhe për të reaguar menjëherë pas nisjes zhgënjyese të kampionatit.