FFM: Nuk ka kompromisë për dhunën në futboll

Federata e Futbollit e Maqedonisë (FFM) dënon ashpër incidentin që ndodhi gjatë ndeshjes së kategorisë së të rinjve (gjenerata 2009/10) midis ekipeve të Bregalnicës dhe Shkupit, kur një grup prindërish të lojtarëve mysafirë hynë në fushë dhe sulmuan fizikisht disa nga lojtarët vendas.

Një sjellje e tillë është plotësisht e papranueshme dhe përfaqëson një shkelje të rëndë të frymës së sportivitetit, lojës së ndershme dhe sigurisë së lojtarëve të rinj.

Është veçanërisht shqetësuese që njëri nga fëmijët pësoi lëndime të rënda, fraktura, si pasojë e sulmit.

FFM njofton se autoritetet kompetente do të iniciojnë procedura disiplinore dhe do të marrin masa të përshtatshme kundër autorëve të incidentit.

Do të iniciohen procedura disiplinore kundër Shkupit dhe personave përgjegjës, në mënyrë që të sigurohet që një sjellje e tillë e papërshtatshme dhe e rrezikshme të mos ndodhë më kurrë.

Federata edhe një herë kujton se çdo akt dhune në fushat sportive është i papranueshëm dhe do të sanksionohet rreptësisht.

Nuk do të ketë kompromis me dhunën, nga kushdo dhe në asnjë nivel.

Detyrimi ynë i përbashkët është të krijojmë një mjedis të sigurt dhe pozitiv për zhvillimin e brezave më të rinj të futbollistëve.