Një person u ther me thikë në qendër të Brukselit gjatë një proteste pro Palestinës

Një person është therur me thikë pas një proteste pro-palestineze në qendër të Brukselit të dielën në mbrëmje dhe është në gjendje kritike, raportuan mediat lokale.

Zona e policisë së kryeqytetit të Brukselit, Ixelles, ka konfirmuar se një person është therur me thikë në qendër të kryeqytetit.

Ilse Van de Keere, zëdhënëse e zonës policore të kryeqytetit Ixelles në Bruksel, i tha gazetës “Het Laatse Nieuws”: “Një person u dërgua në spital në gjendje kritike. Një i dyshuar u arrestua.”

Këtë pasdite, dhjetëra njerëz u mblodhën në Zaterdagplein, pranë vendit turistik kryesor Place Saint Catherine, për të shprehur mbështetjen e tyre për Gazën.

Nuk është e qartë në këtë moment nëse viktima apo sulmuesi po merrnin pjesë në demonstratë dhe nuk është dhënë asnjë informacion në lidhje me motivet e mundshme, shkruan Euronews.