Dortmundi merr vendimin për trajnerin

Dortmundi e nisi me barazim sezonin e ri dhe drejtuesit kanë vendosur ti besojnë trajnerit Niko Kovaç për të vazhduar punën. Kontrata e tij është rinovuar deri në 30 qershor 2027.

“Borusia Dortmund dhe Niko Kovaç po shohin drejt së bashku të ardhmes. Trajneri ka zgjatur kontratën e tij me tetë herë kampionin gjerman deri më 30 qershor 2027. 

Kovaç dhe stafi i tij i trajnerëve morën drejtimin e BVB dimrin e kaluar, kur ekipi ishte në vendin e njëmbëdhjetë në ligë, dhe i udhëhoqën ata, falë një rikthimi spektakolar, drejt kualifikimit përsëri për Ligën e Kampioneve të UEFA-s”, thuhet në njoftim.

Drejtori sportiv i klubit gjerman, Sebastian Kehl, tha: “Jemi shumë të lumtur me rinovimin e kontratës së Nikos dhe stafit të tij të trajnerëve.

Kjo qartësi është e rëndësishme për të gjithë, duke na lejuar të përqendrohemi plotësisht në sezonin dhe sfidat që na presin.

Ne synojmë suksesin maksimal dhe duam t’i qasemi çdo ndeshjeje me bindje, intensitet dhe pasion. Këto vlera kërkohen çdo ditë nga Niko dhe ekipi i tij, dhe ne besojmë se së bashku mund të vazhdojmë rrugën e suksesshme të pjesës së fundit të sezonit të kaluar”.