Amorim u kërkon falje tifozëve të Manchester United

Ruben Amorim kërkoi falje ndaj tifozëve të Manchester United pas eliminimit turpërues nga Kupa e Ligës kundër Grimsby Town, skuadër e kategorisë së katërt. United u rikthye nga disavantazhi 2-0 me golin e Harry Maguire në minutën e 89-të, por u mposht 12-11 pas një serie të gjatë penalltish, ku Bryan Mbeumo dështoi të shënojë.

Trajneri portugez pranoi se ekipi tregoi mungesë dëshire dhe përkushtimi, duke thënë se “skuadra më e mirë fitoi”. Amorim e cilësoi paraqitjen si një problem më të thellë brenda klubit dhe theksoi se i vjen keq për mbështetësit.

"Unë jam trajneri. Duhet të jetë puna ime të kuptoj se çfarë ka ndodhur. Përsëri, më vjen shumë keq për tifozët tanë. Le të përqendrohemi te ndeshja tjetër. Kjo është më shumë sesa një rezultat. Ky është problemi më i madh në ekip. Mendoj se ishte shumë e qartë sot ", u tha gazetarëve Amorim, skuadra e të cilit ka marrë një pikë nga dy ndeshjet e para në Premier League.

Andre Onana u kritikua për dy golat e pësuar, por trajneri theksoi se përgjegjësia ishte e gjithë ekipit. Pas këtij eliminimi, shpresa e vetme e United për një trofe mbetet Kupa FA.

"Nuk ka të bëjë me Andren, " tha Amorim. " Me gjithë respektin e duhur. E thashë tashmë që fitoi skuadra më e mirë. Por kjo është një skuadër e divizionit të katërt. Nuk është portieri. Është më shumë se kaq."